Bahasa:   Bahasa Malaysia
Latar Belakang: 1 Latar Belakang: 2 Latar Belakang: 3 

Kemaskini Pada: 19 Dis 2018
Versi 8.1.2
Berita Bahasa Iban: Servis bala kaunsilor deka dilanjar nyentuk ujung taun
Tarikh : 03 Sep 2018  Sumber Berita: Utusan Borneo Online
 

SIBU: Timpuh servis bala kaunsilor ba semua 26 iti opis bekuasa menua (PBT) nengeri tu deka dilanjar nyentuk ujung taun tu.

Menteri Muda Kaunsil Kandang Menua Datu Dr Penguang Manggil madah, enti nunda timpuh nya udah patut tembu kena 31 Julai tu tadi.

“Reti iya timpuh ke udah tembu 31 Julai deka ditampung baru nyentuk 31 Disember taun tu,” pia ku iya maya berandau enggau pengarang berita, empai lama.

Dulu agi ari nya iya nimbal tanya sentang timpuh servis kaunsilor ke diatu sepengudah tembu ujung bulan Julau tu tadi.

Bekaul enggau rintai nama baru, ku iya, pekara nya semina ulih ditemu sebedau ujung taun tu.

Bekaul enggau majoriti kaunsilor nya ditanka, iya madah nya bepanggai ba parti komponen dalam Gabungan Parti Sarawak (GPS).

Penguang ti mega Kaban Kunsil Nengeri (ADUN) Merudi madahka genap iti PBT di Sarawak dikemendarka pemadu mayuh bisi 32 iku kaunsilor.